Apple ka nisur prej disa kohësh për të krijuar pajisjen më të re AR/VR, dhe po sigurohet që ajo të ketë shërbime të veçanta para se të prezantohet në treg.
The Information tregon se kompania po punon për krijimin e një shërbimi që do të bëjë të mundur që secili përdorues të krijojë një aplikacion në bashkëpunim me Siri, dhe në qoftë se nuk dinë të kodojnë. Mjafton që përdoruesit t’i përshkruajnë asistentit virtual se çfarë ata dëshirojnë – ju mund të kërkoni që dhoma ku ju gjendeni të mbushet plot me kafshë dixhitale pa patur nevojë për të përdorur një software programimi.
Ky shërbim do të bazohet në teknologjinë e Fabric Software, një kompani kanadeze që u ble nga Apple në vitin 2017. Fabric Engine lejonte zhvilluesit të krijonin automatikisht ambiente të ndryshme duke përdourur gjenerimin procedural, njësoj si në lojën No Man’s Sky.
Në këtë mënyrë Apple do të shmangë problemin e krijimit të objekteve unike për aplikacionet e këtij AR Headset. Mjafton që ju të skanoni dhe të importoni objekte të ndryshme, dhe nëse gjithçka shkon siç duhet, para jush gjithçka do të duket mjaft e vërtetë. Apple do të përdorë dhe teknologjitë ekzistuese si Object Capture (për krijimin e modeleve 3D nga fotot) dhe Room Plan (për planet virtuale të kateve të një ndërtese).
