Raportimet më të fundit nga leaker-i Kuba Wojciechouwski tregojnë se Google po punon për të krijuar një produkt të ngjashëm me AirTag.
Ai pretendon se ka zbuluar disa referenca të këtij produkti në Fast Pair Method të Google që përdoret për lidhjen e shpejtë nëpërmjet Bluetooth. Për momentin pajisja mban emrin e koduar Grogu, njësoj si personazhi nga “The Mandalorian”, dhe besohet se është duke u zhvilluar nga ekipi i Google Nest.
Wojciechouwski beson se pajisja do të vijë në disa ngjyra të ndryshme dhe do të përfshijë një speaker që do të ndihmojë përdoruesit të gjejnë sendet e humbura, njësoj si në AirTags, Galaxy Smart Tags apo Tiles.
I have recently found references that show that Google’s working on support for locator tags in Fast Pair – see the linked thread for more info. https://t.co/8tvlWaHQpv
Now it turns out Google’s working on a first party tracker too!
— Kuba Wojciechowski⚡ (@Za_Raczke) January 16, 2023
Modelet më të reja të smartphone-ve nga Google, Pixel 6 Pro dhe 7 Pro suportojnë rrjetin Ultra Wideband, prandaj leaker-i mendon se “Grogu” do të mbështesë këtë protokoll bashkë me Bluetooth LE për t’i mundësuar përdoruesve informacione preçize për vendndodhjen e sendeve që kanë humbur.
Google mund ta prezantojë produktin e ri së bashku me smartphone-t e rinj Pixel gjatë I/O Developer Conference në maj.
article by Brenton Benja
