Bordi mbikëqyrës në Meta tërhoqi mbrapsht vendimin e kompanisë për të fshirë dy postime në Instagram ku shfaqeshin topless një person transgjinor dhe një person me identitet seksual të papërcaktuar, duke thënë se Meta duhet të ndryshojë politikat e saja për t’i bërë sa më gjithëpërfshirëse.
Bordi i financuar nga Meta, por që operon në mënyrë të pavarur, tregoi se politikat mbi nudizmin tek adultët mbështeten në një pikëpamje ku ekzistojnë vetëm 2 gjini, dhe e bëjnë të paqartë se si rregullat duhet të aplikohen tek personat transgjinor apo ato që nuk e kanë të caktuar identitetin seksual. Bordi përbëhet nga akademikë, ekspertë të të drejtave të njeriut dhe avokatë të ndryshëm.
Rastet e përmendura nga bordi përfshijnë dy postime të bëra në vitin 2021 dhe 2022 në një adresë në Instagram të menaxhuar nga një çift. Në fotografi mund të shikoheshin të dy personat të cilët nuk e kishin mbuluar pjesën e sipërme të trupit të tyre.
Politikat aktuale të Meta ndalojë publikimin e imazheve që përmbajnë nuditet të tillë përveç rasteve kur bëhet fjalë për gjidhënie nga femrat.
“Parandalimit dhe përjashtimet në rregullat mbi thithkat e femrave janë të gjëra dhe të ngatërruara, sidomos kur aplikohen tek këta persona.” tregoi bordi.
