Rrufepritësit prej shumë kohësh janë përdorur për të pritur rrufetë dhë për t’i shkarkuar ato në mënyrë të sigurt në tokë, mirëpo mbulimi i vogël i tyre dhe fiksimi në një vend i bën këto rrufepritës më pak efektivë në mbrojtjen e zonave të mëdha.
Mirëpo një teknologji e re mund të jetë gati për të zëvëndësuar rrufepritësit aktualë. Studiuesit evropianë kanë testuar në mënyrë të suksesshme një sistem që përdor lazera me pulse të nivelit teravat për të shtyrë rrufetë në drejtim të një rrufepritësi 8 metra të lartë. Mbulimi i këtij rrufepritësi nuk është i limituar nga lartësia e tij, pasi mund të mbulojë zona akoma dhe më të mëdha deri në 180 metra duke penetruar mes reve dhe mjegulles.
Nëpërmjet këtij dizajni bëhet i mundur jonizimi i molekulave të azotit dhe oksigjenit, duke lëshuar kështu elektrone dhe duke krijuar një plazmë që përcjell elektricitetin. Për sa kohë që lazerat aktivizohen shumë shpejt me 1,000 pulse në sekondë, arrin të ndikojnë në drejtimin e vetëtimës që në formimin e saj. Gjatë testimeve të kryera nga qershori deri në shtator të vitit 2021, vetëtimat ndoqën lazerin për 60 metra para se të godisnin rrufepritësin.
Megjithatë, dhe pse testimet rezultuan të suksesshme, mund të duhet një kohë e gjatë deri sa të implementohet kjo teknologji, pasi lazeri në eksperiment kushton rreth $2.17 miliardë.
