ChatGPT është një zhvillim tepër i rëndësishëm teknologjik, por “po krijon një vrimë në xhepat e krijuesve të OpenAI”, pasi kompania është e detyruar të paguajë miliona dollarë në muaj për të ofruar këtë chatbot falas. Sigurisht nuk është surprizë dhe fakti që OpenAI të monetizojë software-in e tij deri sa të kryhet investimi prej disa miliardësh dollarë nga Microsoft.
Në serverin zyrtar të kompanisë në Discord, OpenAI shpërndau një listë pritje për atë që kompania e quan “ChatGPT Professional” – një version eksperimental me pagesë i ChatGPT që ofron të gjitha avantazhet që mund të priten. OpenAI tregon se ChatGPT Professional do të jetë “gjithmonë i aksesueshëm, do të ofrojë përgjigje të shpejta dhe do t’i japë përdoruesve një numër përgjigjesh 2 herë më shumë se nga ç’ofrohet në versionin falas”.
Working on a professional version of ChatGPT; will offer higher limits & faster performance. If interested, please join our waitlist here: https://t.co/Eh87OViRie
— Greg Brockman (@gdb) January 11, 2023
“Ne kemi nisur të mendojmë për mënyra se si mund të monetizojmë ChatGPT (ende në fazat e para). Qëllimi ynë është të vazhdojmë të përmirësojmë dhe të mirëmbajmë rrjetin, dhe monetizimi është një mënyrë që do të na ndihmojë në mirëmbajtjen për një kohë të gjatë të ChatGPT.” tregoi kompania në Discord.
Çdo person mund të regjistrohet në listën e pritjes së ChatGPT Professional duke plotësuar disa pyetje si qëllimi për të cilin do të përdorin ChatGPT dhe çmimin që do të ishin të gatshëm të paguanin për të aksesuar këtë shërbim.
