Nëse ju keni patur vështirësi të dëgjoni një bisedë në një lokal të tjembushur ose në vende të tjera me shumë zhurmë, atëherë Sennheiser mund të ketë prezantuar produktin e duhur për ju gjatë CES 2023.
Senheisser Conversation Clear Plus cilësohen nga kompania si “një teknologji e avancuar për përmirësimin e të dëgjuarit” e cila është zhvilluar nga kompania më e madhe në botë që prodhon aparate dëgjimi për personat që kanë probleme me dëgjimin, Sonova (që tashmë ka nën pronësinë e saj Sennheiser). Qëllimi kryesor i kompanisë në krijimin e këtyre kufjeve wireless është përmirësimi i dëgjimit dhe ulja e zhurmave të jashtme që ju mundëson dëgjim më të mirë gjatë bisedave.
Proçesori i Sonova është faktori kryesor që ndihmon në aktivizimin e shërbimit “Automatic Scene Detection” të kufjeve Conversation Clear Plus. Kur ky shërbim kombinohet me ANC (active noise cancellation), kufjet do të zbulojnë dhe analizojnë nivelet e zhurmës në një ambient të caktuar dhe do të përcaktojnë një përmirësim të dëgjimit për t’ju përshtatur situatës, duke bllokuar disi dhe zhurmën e ambientit përreth.
Si të gjitha kufjet e tjera noise-cancelling në treg, kufjet Sennheiser vijnë me një shërbim transparency mode të quajtur “Ambient Awareness” që i lejon përdoruesit të vendosin vetë nivelin e zhurmës së ambientit që dëshirojnë të dëgjojnë.
