Një fotograf ka vendosur të vëjë në lojë ndjekësit e tij me fotografitë e kamerave të gjeneruara nga AI të cilat kanë një veshje antike. Asnjëra prej kamerave të publikuara nga Mathieu Stern nuk ekziston. Punën e tij mund ta gjeni në Instagram, Twitter dhe YouTube.
Fotografi tregoi për PetaPixel se ai i gjeneroi pamjet e këtyre kamerave nëpërmjet Midjourney para se t’i modifikonte ato në Photoshop. ”Vetë gjenerimi i këtyre imazheve kërkon më pak se 1 minutë kohë, e vetmja gjë që kërkon kohë është krijimi i një përshkrimi të mirë në text prompt, gjë që mund të kërkojë deri në disa orë.” tha Mathieu.
Ai tregoi gjithashtu se kishte përdorur ndihmën e një tjetër programi të inteligjencës artificiale të quajtur ChatGPT, i cili krijoi një histori bindëse për këto kamera. Stern postoi një përshkrim ku tregohej se kamerat “historike” i përkisnin perandorit kinez Qianlong, i cili u magjeps nga arti i fotografisë.
“Perandori ishte kaq i përkushtuar ndaj fotografisë saqë ai porositi artizanët më të mirë të kohës për të krijuar kamera tërësisht prej porcelain.” shkruajti inteligjenca artificiale.
Fotografi francez tregoi se idea e përgjithshme e historisë ishte e tija, por inteligjenca artificiale e ndihmoi në krijimin e një historie me strukturë më të mirë.
Komentuesit, të cilët nuk e prisnin aspak që këto kamera të ishin të gjeneruara nga AI komentuan: “Shumë bukur.”, ndërkohë që një person tjetër tha “A ka mundësi të shikojmë fotografitë e shkrepura me këto aparate?”
