Një përdorues i Twitter, i cili ka krijuar një adresë ku shpërndan vendndodhjen aktuale të avionit privat të Elon Musk, është bërë “shadowbanned” që nga koha kur Musk bleu këtë platformë.
Jack Sweeney, personi që gjendet pas adresës ElonJet, publikoi një tweet ditën e diel për të akuzuar rrjetin social se po “tenton t’i japë fund padrejtësisht adresës së tij”.
Përmes një thread-i Sweeney tregoi se një punonjës anonim në Twitter e kishte informuar atë se adresa e tij ElonJet ishte “dukshëm i kufizuar në një shkallë të gjërë” në datën 2 dhjetor. Ai tregoi gjithashtu një mesazh të brendshëm nga Ella Irwin, drejtuesja e re e Trust and Safety, ku kërkohej që ElonJet “t’i nënshtrohet një filtrimi të shikueshmërisë”.
Did you know that @elonjet is de-amplified?
You can’t keyword search the account or tag the account through suggested usernames.
I’m unsure if this is new due to Elon’s purchase or something that’s been in place, but it is interesting. pic.twitter.com/jIdMpS6cep— ChudsOfTikTok (@ChudsOfTikTok) December 9, 2022
Sweeney shtoi se ai prej kohësh po e dyshonte diçka të tillë, ku adresa e tij nuk shfaqej në asnjë kërkim apo sugjerim në Twitter, që para se të lajmërohej nga punonjësi anonim i kompanisë.
Shadowbanning është një shërbim që e bën profilin e një personi dhe postimet e tij më të vështira për t’u gjetur, ndërkohë që vetë përdoruesi nuk është lajmëruar për këtë ndryshim. Persona të ndryshëm kanë raportuar se nuk ishin në gjendje të kërkonin në Twitter këtë adresë përmes username.
UPDATE: Kjo adresë është pezulluar përkohësisht.
