Disa nga smartphone-t që do të përdorin proçesorin më të ri Snapdragon 8 Gen 2, si Galaxy S23, S23+ dhe S23 Ultra i janë nënshtruar testeve të Geekbench, me rezultatet që treguan praninë e Prime core 3.36GHz, Performance cores 2.80GHz dhe Efficiency Cores 2.02GHz.
Samsung nuk do të jetë kompania e vetme që do të përdorë këto proçesorë, pasi është konfirmuar se dhe vivo X90 Pro së bashku me iQOO 11 do të përdorin këtë proçesor. Mirëpo nëse shikojmë me kujdes frekuencën e Prime core në këto pajisje, do të vëmë re se në to frekuenca është listuar si 3.19GHz. Kjo është gjithashtu e njejta frekuencë e prezantuar dhe nga Qualcomm, 3.1872GHz ekzaktësisht.
Po si ka mundësi që Samsung arrin frekuenca më të mëdha?
Disa ditë më parë leaker-i Ice Universe tregoi se versioni evropian do të përdorë një “version ekskluziv me frekuencë të lartë” të proçesorit Snapdragon 8 Gen 2. Megjithatë, rezultatet që ne kemi parë deri më tani vijnë nga modelet e SHBA, pra me shumë mundësi kjo gjë do të përfshihet në të gjitha pajisjet e shitura nga Samsung.
Dhe GPU do të jetë më e shpejtë – 719MHz në vend të 680MHz. Nuk është konfirmuar ende nëse ky proçesor i përdorur vetëm në serinë S23 të Samsung do të quhet Snapdragon 8+ Gen 2. Megjithatë duket se Qualcomm dhe TSMC kanë arritur të gjejnë hapësirë të mjaftueshme për të bërë overclock proçesorët e tyre.
Geek Room ka konfirmuar tashmë nga burimet tona se Samsung Galaxy S23 do të do të vijë me Qualcomm Snapdragon 8 Gen 2 në çdo vend të botës duke hequr dorë nga përdorimi i Exynos.
