Tashmë Uganda është e pranishme në hapësirë. Në mëngjesin e 7 nëntorit, sateliti i parë i këtij shteti, PearlAfricaSat-1 u lançua në mënyrë të suksesshme drejt hapësirës. Ky satelit i ri do të përdoret për të marrë të dhëna më të sakta në lidhje me parashikimin e motit, zbulimin e mineraleve të reja, monitorimin agrikulturor dhe sigurinë në kufi.
Mirëpo në krye të të gjithë këtyre qëllimeve do të jetë kryerja e eksperimenteve për shpëtimin e jetës. Nile Post raporton se Uganda do të përdorë forcën 0 të gravitetit për të performuar një printim të avancuar 3D të indeve njerëzore në hapësirë, duke përfshirë këtu dhe një “investigim se si mungesa e forcës gravitacionale ndikon në funksionin e vezores”.
Gjatë misionit të rifurnizimit Northrup Grumman NG-18 u transportua një bioprinter i përmirësuar 3D i quajtur BioFabrication Facility (BFF). BFF është një platformë ku shkencëtarët printojnë indeve të ngjashme me organet për të nisur dhe provuar aftësinë e krijimit të organeve humane në hapësirë, dhe Uganda ka si qëllim të bëjë këto eksperimente për të ndihmuar me mijëra pacientë të cilët vdesin nga mosfunksionimi i organeve në mbarë botën.
Mungesa e gravitetit bën të mundur që shkencëtarët të krijojnë organe të printuara të cilësisë së lartë, gjë që nuk është e mundur në Tokë.
