Nëse ju mendoni fillimisht për praninë e robotëve në ushtri, menjëherë mund t’ju shkojë mendja drejt filmave fantashkencor ku shfaqen makineri që sulmojnë kundërshtarët nëpërmjet lazerave. Mirëpo për një aplikim shumë më tepër human, studiuesit britanikë kanë nisur zhvillimin e një sistemi mjekësor që mund të shpëtojë jetën e ushtarëve përmes një video-telefonate VR.
Studiuesit në University of Sheffield po punojnë për të krijuar një sistem teleprezence për trajtimin e personelit të ushtrisë gjatë një sulmi. Plani parësor është që mjekët jashtë fushëbetejës të përdorin VR headsets për të kontrolluar robotët. Makineria mund të kontrollojë parametrat jetësorë të pacientit duke përdorur të njejtën teknologji si në kirurgjinë robotike.
Normalisht, këta ushtarë trajtohen nga mjekë të cilët kanë me vete një numër të limituar pajisjesh. Përveç kësaj, ato e përfshijnë gjithashtu veten në një rrisk të rritur. Lëvizja e këtyre pacientëve drejt një vendi të sigurtë me të gjitha mjetet e nevojshme mund të kërkojë disa orë ose ditë, dhe shpesh herë kjo gjë nuk është e mundur.
Në këtë mënyrë sistemi i teleprezencës do të ndihmonte mjekët të punojnë nga larg, duke përdorur robotin për të grumbulluar të dhëna mbi temperaturën dhe presionin e gjakut të pacientit.
Bashkë-organizuesja Sanja Dogramadzi, një profesoreshë në University of Sheffield, e shikon këtë iniciativë si një masë për shpëtimin e jetës së më shumë ushtarëve që rrezikojnë jetën e tyre në frontin e betejës.
