Xiaomi 12S Ultra na surprizoi të gjithëve ne me sensorin e ri 1 inç të kameras të zhvilluar në bashkëpunim me Leica, mirëpo me sa duket kompania nga Kina po punonte njëkohësisht për një plan shumë më ambicioz.
Gjatë ditës së sotme, Xiaomi prezantoi 12S Ultra Concept Phone, i cili ka një pamje pothuajse identike me pajisjen flagship, por që ka të përfshirë një sensor tjetër 1 inç 50.3MP të vendosur në qendër të ishullit të kamerave. Përveç kësaj, ky sensor është i dizenjuar të funksionojë me lenten Leica M.
Xiaomi ka vendosur që të vendosë këtë sensor 1 inç – së bashku me një sensor tjetër Sony IMX989 me mbështetje për 10-bit RAW – nën një xham prej safiri të rrumbullakët, në vend që hapësira të jetë e hapur për montimin e lentes. Ndërkohë që ky xham funksionon si një mbrojtës për lenten kundër pluhurit dhe trupave të huaj, mbetet për t’u parë nëse ndikon në transmetueshmërinë optike të përgjithshme.
Kamera 48MP ultrawide, e cila është e vendosur në qendër në Xiaomi 12S Ultra, në këtë pajisje koncept është vendosur në hapësirën që përdorej nga lentja telephoto.
Here’s @Xiaomi‘s promo video for the wild “12S Ultra Concept Phone,” which can mount any interchangeable @leica_camera M lens over its *second* 1-inch sensor. More here: https://t.co/CQkL6dayll pic.twitter.com/YEQNHdI4IE
— Richard Lai (@richardlai) November 2, 2022
Siç shikohet në videon shpjeguese të Xiaomi, ju duhet si fillim të hiqni unazën mbrojtëse për të instaluar lenten Leica M.
