Leaker-i iceuniverse duket se ka arritur të sigurojë një prototip të Samsung Galaxy S23 Ultra, të cilin e ka përdorur për të shpërndarë një fotografi krahasuese me pajisjen paraardhëse, S22 Ultra.
Dhe pse S23 Ultra është ende në punë e sipër, mund të dallohet qartë përmirësimi i cilësisë së imazheve, që mund të vijë kryesisht falë sensorit të ri 200MP ISOCELL. Mendohet se në këtë smartphone do të suportohet dhe shkrepja e fotografive në 50MP (në vend të vetëm 12.5MP dhe 200MP siç mendohej në fillim), mirëpo ky modalitet është ende duke u zhvilluar nga inxhinierët në Samsung.
Fotot që shikoni janë marrë nga Galaxy S23 Ultra (majtas) dhe S22 Ultra (djathtas) e cila është bërë upscaled 16X. Smartphone-i i ri është shumë më i qartë dhe arrin të prezantojë mirë linjat paralele, ndërkohë që modeli aktual nuk ka të njejtën fuqi, dhe thjesht i bën të padukshme këto linja. Në këto fotografi përmirësimet e imazheve përmes AI ishin të çaktivizuara.
Galaxy S23 Ultra pritet të përdorë të njejtën lente telephoto nga viti i kaluar. Megjithatë proçesimi i përmirësuar do të sjellë një kualitet më të lartë imazhi.
Kjo pajisje pritet të prezantohet në janar ose shkurt të vitit të ardhshëm.
