Rregullatori i konkurencës në Mbretërinë e Bashkuar ka urdhëruar Meta ditën e martë që të shesë platformën e imazheve të animuara, Giphy, pasi mendohej se blerja e kësaj kompanie do të reduktonte inovacionin në tregun e reklamimit.
Meta tregoi se e ka pranuar këtë humbje dhe do të respektojë vendimin e CMA. “Ne jemi të zhgënjyer nga vendimi i CMA po do ta respektojmë këtë vendim si fjalën përfundimtare në këtë çështje.” tha një zëdhënës i Meta në një deklaratë për shtyp. “Ne sërisht do të bashkëpunojmë me CMA në shitjen e Giphy.”
Rregullatori britanik e bllokoi marrëveshjen për blerjen e Giphy prej $400 milionësh në nëntor të 2021 për shkak të shqetësimeve se Meta mund të limitonte aksesin në GIFs të Giphy. CMA ishte gjithashtu e shqetësuar rreth humbjes së një konkurenti të rëndësishëm në reklamim, dhe pse Giphy nuk ka patur prezencë në këtë sektor në Britani.
Dhe pse Meta vendosi të apelonte këtë vendim, rezultati nuk ndryshoi. “Kjo marrëveshje do të reduktonte në mënyrë të ndjeshme konkurencën në treg.” tha Stuart McIntosh. ”E vetmja mënyrë për të zgjidhur këtë problem është nëpërmjet rishitjes së Giphy.” shtoi ai.
