Një muaj më parë një person i paidentifikuar arriti të shkrepte një fotografi sekrete të pjesës së përparme të Xiaomi 13 Pro që pritet të prezantohet së shpejti gjatë muajit nëntor. Tashmë ka ardhur koha që të shikojmë dhe anën e pasme të këtij smartphone-i dhe ishullin e kamerave.
Modeli i ri Pro mendohet se do të përdorë të njejtin sensor IMX989 50MP që është gjithashtu i përfshirë në Xiaomi 12S Ultra. Ky sensor ka bërë një punë mjaft të mirë së bashku me fuqinë e proçesimit të Snapdragon 8+ Gen 1, dhe mbetet për t’u parë performanca e tij në bashkëpunim me Snapdragon 8 Gen 2.
Megjithatë ne mund të vemë re nga kjo fotografi një ndryshim të madh për sa i përket madhësisë së ishullit të kamerave, nëse e krahasojmë këtë pajisje me versionin Ultra. (Në të vërtetë kamera 1” lokalizohet në anën e majtë të pajisjes dhe jo në mes siç mund të mendoni.)
Xiaomi 13 Pro pritet të ndjekë të njejtën formulë si paraardhësi i tij, me një ekran të madh 6.7” AMOLED. Nga fotografimi i pjesës së përparme ne mund të shikojmë se pajisja ka një konfigurim 12+3 GB RAM (reale dhe virtuale) dhe emri i koduar i kësaj pajisje është “nuwa”.
