Një raportim i ri tregon se numri i makinave elektrike në SHBA është rritur me 87.5% gjatë vitit të fundit, mirëpo e gjithë kjo rritje e shpejtë duhet të mbështetet nga qeveria me investime në infrastrukturë në mënyrë që të ketë pika të mjaftueshme karikimi për përdoruesit.
Zutobi, një kompani edukimi për drejtuesit, shfaqi një total prej 543,610 makinash elektrike në Amerikë në edicionin 2021 të U.S Electric Vehicle Charging Point Report, gjë që tregon se tashmë ka pak më tepër se 1 milionë makina elektrike në këtë shtet.
Megjithatë dhe me rritjen e shpejtë të interesit mbi makinat elektrike, ato përfaqësojnë ende një fraksion të vogël të tregut të përgjithshëm të makinave në SHBA. Rreth 4.6% e të gjitha makinave në tregun amerikan duket se janë elektrike, pra një pakicë e vogël.
Në mënyrë të veçantë, Electrek raporton se Tesla ka arritur të jetë lider në tregun e makinave elektrike në SHBA, duke zënë 68% të tregut. Nga 5 makinat ekektrike më të shitura në SHBA gjatë këtij viti, 4 janë modele të ndryshme të Tesla: Model Y, Model 3, Model S dhe Model X. Mustang Mach-E gjendet gjithashtu në këtë listë në vendin e 3-të.
Por shtimi i pikave të reja të karikimit nuk po arrin të ecë në të njejtin hap me shitjen e këtyre makinave. Gjatë këtij viti u regjistrua një rritje me 31% e pikave të karikimit, nga 98,422 pika në 128,554.
“Duhet që të ketë një investim të rëndësishëm në infrastrukturën e karikimit në SHBA” tha bashkë-themeluesi i Zutobi, Leo Waldenback.
