Një ujk i Arktikut është klonuar për herë të parë nga një kompani e themeluar në Pekin, e cila mori një qelizë dhuruese nga një ujk Arktik femër e egër dhe e kombinoi atë me një embrion që është rritur brenda një qeni të racës Beagle. Raca Beagle duket se ndan të njejtën prejardhje gjenetike me ujqërit dhe për këtë arsye u përzgjedh një qen i tillë.
Qenushi i klonuar i quajtur Maya, lindi në qershor të këtij viti por Singogen Biotechnology priti 100 ditë për të prezantuar lindjen e saj me shpresën se kloni do të ishte në gjendje të mirë shëndetësore, dhe ajo me të vërtetë është e shëndetshme.
Dhe pse kjo është një arritje e madhe, klonimi i kafshëve përballet me kundërshtimet e shumë aktivistëve që tregojnë se kafshët e përfshira vuajnë në kirurgji që janë të nevojshme për të marrë qelizat e dhuruesit dhe për të transferuar embrionet.
Disa të tjerë tregojnë se kjo metodë nuk është moralisht e drejtë, pasi njerëzit po provojnë të prodhojnë embrione pa përdorur fertilizimin. Mirëpo sipas Singogen Biotechnology qëllimi kryesor i klonimit është shpëtimi i kafshëve që janë në rrezik zhdukje.
Për klonimin e këtij ujku u përodor e njejta teknikë si në delen Dolly në vitin 1996, e quajtur transferimi nuklear i qelizave somatike. Megjithatë, Dolly u eutanizua në moshën 6 vjeçare pasi zhvilloi një tumor në mushkëri.
