Apple ka kërkuar nga Foxconn (Hon Hai) të rrisë prodhimin e iPhone 14 Pro me 10%, sipas raportimeve të fundit nga analisti mjaft i njohur, Ming-Chi Kuo. Kjo analizë vjen pas një tjetër raportimi që tregon se modelet Pro po shiten në sasi më të mëdha se sa modelet e tjera.
“Për shkak të kërkesës së lartë për modelet iPhone 14 Pro, në sondazhin tim të fundit tregohet se Apple ka kërkuar nga Foxconn të zëvëndësojë linjat e prodhimit të iPhone 14 me atë të iPhone 14 Pro, gjë që do të ndihmojë këtë kërkesë të lartë.” tha Kuo.
(1/5)
Due to strong demand for the iPhone 14 Pro models, my latest survey indicates that Apple has asked Hon Hai to switch the production lines of the iPhone 14 to the iPhone 14 Pro models, which will help improve Apple’s product mix/iPhone ASP in 4Q22.— 郭明錤 (Ming-Chi Kuo) (@mingchikuo) September 19, 2022
Ky ndryshim është gjithashtu i dukshëm dhe në disponueshmërinë në Apple Store, ku modelet iPhone 14 Pro nuk janë të disponueshme, ndërkohë që stoku është i plotë me iPhone 14. Javën e kaluar u zbulua se iPhone 14 Pro Max dominoi fundjavën e parë në shitje, ndërkohë që iPhone 14 Plus rezultoi një zhgënjim.
Në postimin e tij në Twitter, Kuo tregoi se bazuar në kohën e dorëzimit në tregjet kryesore, modelet jo Pro të iPhone 14 kanë një rezultat të “keq” krahasuar me serinë e iPhone 13. Nga ana tjetër, Apple po shikon që numri i porosive për iPhone 14 Pro Max është i krahasueshëm ose më i mirë se porositë e 14 Pro.
