GoPro Hero Black-ut të zakonshëm i bashkohet një model i ri Mini. Siç pritej, ekziston Hero 11 Black, por së bashku me të vjen Hero 11 Black Mini. Kuptohet që Mini është një version më i vogël i standartit, por mënyra se si kompania e ka implementuar atë është pak më interesante se ndoshta kamerat “Session” të vjetra.
Së pari, le të shohim se çfarë ka të re në Hero 11 Black. Përsa i përket dizajnit, nuk ka fare ndryshime, përvec numrit anësor që ndryshon, madje përdor të njëjtat ngjyra si 10. Brenda ka vetëm një ndryshim hardueri, dhe ky është një sensor i ri më i gjatë. Hero 11 Black gjithashtu tani vjen me baterinë Enduro si standard, e cila më parë shitej si një aksesor.
Tipari kryesor që GoPro po promovon duket se janë videot e reja automatike të përmbledhura. Ideja është që pasi të ktheheni nga aventurat dhe të lidhni kamerën, ajo do të ngarkojë automatikisht pamjet tuaja të reja dhe do të krijojë një video të thjeshtë për ju automatikisht. Është intriguese sepse kjo nuk është aspak një veçori e Hero 11, është diçka e disponueshme për pronarët e çdo kamere që nga Hero 5 për sa kohë që keni një abonim në GoPro.
Ka, sigurisht disa përditësime specifike të harduerit që përdorin atë sensor më të gjatë. Jo më pak është kalimi nga fotot 23 në 27 megapiksel dhe prezantimi i ngjyrave 10-bit. Ekziston gjithashtu një modalitet fotografimi “Full Frame” që kap gjithçka në sensorin 8:7 në 5.3K. Ideja këtu është që ju mund të shfaqni video të ndryshme në formate të ndryshme të pamjes, në rezolucion të plotë.
Përfitimi i dytë i sensorit të ri është shtimi i bllokimit të horizontit 360 gradë deri në 5.3K/30.
Rezolucioni maksimal qëndron në 5K/60 ose 4K120, por së bashku me Full Frame, tani keni “HyperView” që është e gjithë pamja e sensorit e ngjeshur në një format 16:9.
Sa i përket HyperSmooth, stabilizimit të softuerit të kompanisë, që tani është në mishërimin e tij të pestë dhe vjen me Auto Boost për ato momente tepër të rënda. Një opsion tjetër i ri i menusë është aftësia për të kaluar midis modalitetit Pro dhe Easy. “Pro” është sistemi aktual i menusë standarde ndërsa “Easy” heq gjithçka, përveç cilësimeve më të mira të “click & go” për shumicën e situatave.
GoPro po i përmbahet skemës së saj të çmendur të çmimeve që do të thotë se në të vërtetë paguani më pak nëse vendosni të përfshini një abonim.
Hero 11 Black ka çmimin 399$/500$ (pa abonim) ndërsa Mini vjen me 300$/400$.
