Kemi parë shpesh herë disa reklama nga Samsung të cilat kanë si qëllim tregimin e inferioritetit të iPhone-ve ndaj Samsung. Dhe kësaj here gjigandi korean i teknologjisë ka vendosur të vazhdojë me këtë trend.
“Përgatituni për lançimin më të ri të Apple, ndërkohë që ju futeni në një botë koka do të kthehet, thjesht jo në drejtimin tënd.” tregon një folës në videon e re promovuese të Samsung Galaxy S22 Ultra dhe Galaxy Z Flip 4.
Më pas në video tregohen një nga një shërbime të cilat nuk gjenden në pajisjet e Apple, si përshembull dizajni i veçantë i Galaxy Z Flip 4 apo kamera 108MP kryesore e Galaxy S22 Ultra me modalitetin moon mode. Gjithashtu Z Flip 4 vjen me Flex Mode dhe S22 Ultra me kameran periscope 10x, të cilat janë dallimet kryesore nga produktet e Apple.
Megjithatë jo pak herë ka ndodhur që Samsung të tallet me një strategji të Apple dhe më pas të veprojë njësoj si Apple. Kjo gjë ka ndodhur me portën 3.5mm të kufjeve, mbështetjen për microSD dhe përfshirjen e karikuesve në kuti.
Për momentin po qarkullojnë disa zëra se Galaxy S23 Ultra ddo të zëvëndësojë kameran 108MP për një tjetër me rezolucion 200MP.
