Huawei ka nisur të shpërndajë ftesa për shtypin në lidhje me lançimin e një produkti gjatë datës 3 shtator në IFA 2022. Përveç produkteve nga kategoritë si laptopët, tabletët apo wearables, besohet se do të jenë të pranishëm dhe disa smartphone të rinj.
Sipas raportimeve kineze, smartphone-t e rinj që do të prezantohen bëjnë pjesë në serinë Mate 50, të cilat do të prezantohen në datën 3 shtator dhe do të jenë të pranishme në tregun kinez duke filluar nga 7 shtatori. Kjo datë përkon me datën e përfundimit të eventit IFA 2022.
Me shumë mundësi do të jenë 4 pajisjet që do të bëjnë pjesë në serinë Mate 50: Huawei Mate 50e, Mate 50, Mate 50 Pro dhe Mate 50 RS. Prodhuesi kinez i smartphone-ve është ende nën embargon e SHBA, gjë që dëmtoi rëndë biznesin e kompanisë.
Një ndër ndryshimet kryesore që raportohet të vijnë nga këto smartphone është në proçesorët e përdorur. Në vend të pasarëdhësve të HiSilicon Kirin 9000 SoC, Mate 50e do të përdorë Snapdragon 778, ndërsa modelet e tjera do të përdorin Snapdragon 8 Gen 1 të prodhuar nga Qualcomm me një modem 4G.
Një tjetër ndryshim do të vijë në departamentin e kamerave. Tashmë Huawei nuk do të bashkëpunojë me Leica për përmirësimin e kamerave, por me një kompani të re të quajtur XMAGE.
Geek Room dhe Neptun do të jenë të pranishëm këtë vit në eventin më të madh të teknologjisë në Evropë. Mos humbisni asnjë produkt të ri, mjafton të na ndiqni në Instagram në datat 2-4 shtator.
