Porsche ka ndërtuar një model të ri 911 i cili do të quhet Sally Carrera Edition. Ky model do të jetë i inspiruar nga personazhja e filmit mjaft të njohur nga Pixar, Cars, e cila quhet Sally.
Për të krijuar Sally Special, prodhuesit morën ndihmë nga ekipi origjinal krijues i këtij filmi. Qëllimi ishte që të krijohej një Sally origjinal (që bazohej në Porsche 911 të 2002) por i përshtatshëm për botën moderne.
911 Carrera e vitit 2002 vinte me një motor 3.2 litra me 6 cilindra, që prodhonte 320 kuajfuqi dhe që vinte me transmision manual ose automatik. Nga ana tjetër, Sally Special është i bazuar në 911 Carrera GTS. Kjo makinë ka një motor 3.0 litra që prodhon 473 kuajfuqi. E veçanta e këtij modeli është se do të shoqërohet me një transmision manual me 7 marshe shpejtësie.
Sally Special është lyer me një ngjyrë të veçantë të quajtur Sally Blue Metallic, shumë e ngjashme me ngjyrën e makinës në filmin e animuar. Porsche i ka kushtuar vëmendje dhe detajeve, pasi Sally në film kishte një tatuazh në pjesën e pasme. kompania ka shtuar gjithashtu të njejtin tatuazh në Sally Special, e cila është e dukshme vetëm kur spoiler-i hapet.
Dhe në pjesën e brendshme është e pranishme ngjyra Sally Blue, së bashku me një modalitet drejtimi në timon që lexon “Kachow! Mode”.
