YouTube ka nisur prej kohësh të punojë për të krijuar një dyqan online ku përdoruesit do të kenë shancin të blejnë abonime për platforma të ndryshme streaming, sipas një raporti nga Wall Street Journal.
Platforma e transmetimit të videove nën pronësinë e Google tregoi se puna për këtë dyqan ka nisur që para 18 muajsh dhe tashmë ka nisur diskutimet me partnerë potencial. Dhe pse aktualisht YouTube i ofron përdoruesve të abonuar një opsion për të aksesuar shërbime shtesë si HBO Max, në dyqan do të shiten abonime të veçanta për këto platforma direkt nga aplikacioni i YouTube.
YouTube po i reklamohet kompanive të tjera si një platformë e duhur për të fuqizuar përmes reklamimit platformat e tjera të abonimit, pasi ndjekësit mund të shikojnë lehtësisht trailer-in e një filmi nga YouTube dhe të paguajnë lehtësisht për një abonim. Nëpërmjet kësaj lëvizje YouTube synon të marrë një përqindje të fitimeve të gjeneruara.
Me kalimin e kohës akoma më shumë platforma janë dakord me idenë e bashkimit apo përfshirjes së planeve të ndryshme të abonimit në një platformë të vetme. Jeffrey Hirsch tregoi për The Journal se bashkimi i këtyre shërbimeve në një platformë të vetme krijon shumë lehtësira për përdoruesit. Njëkohësisht, kjo gjë nuk i shtyn këta përdorues që ta anulojnë një abonim përkatës.
Pritet që dyqanin online nga YouTube të lançohet gjatë vjeshtës së këtij viti.
