Grupet në WhatsApp janë një pjesë e rëndësishme e këtij aplikacioni që kur u shfaqën për herë të parë në vitin 2011. Megjithatë administratorët e grupeve nuk kanë patur asnjëherë shumë kontroll mbi chat-et. Për të rregulluar këtë gjë, WhatsApp ka në plan t’i lejojë administratorëve të grupit të fshijnë mesazhet e dërguara nga anëtarët.
Aktualisht e vetmja fuqi që administratorët e grupeve kanë në mënyrë të veçantë nga anëtarët e thjeshtë është aftësia për të pranuar persona të ttjerë në grup dhe të konfigurojnë disappearing messages. Mjetet për moderimin e aktivitetit në chat janë shumë të limituara.
WABetaInfo raporton se në versionet e reja të WhatsApp do të bëhet e mundur që administratorët e grupit të fshijnë mesazhet e dërguara nga anëtarët, duke mbajtur shtypur mesazhin dhe duke klikuar në delete for everyone. Pasi mesazhi të jetë fshirë në të do të lexohet se ky mesazh është fshirë nga administrator i grupit. Pra do të jetë e qartë se ky veprim u ndërmorr nga admini.
Raportimet tregojnë se testimi ka nisur, megjithatë shpërndarja në versionet beta për momentin është shumë e ngadaltë, dhe mund të duhet pak kohë deri sa ky shërbim të vijë për publikun e gjerë.
