Periudhës dhjetë vjeçare të Facebook me rritje të përvitshme të fitimeve duket se i ka ardhur fundi.
Rrjeti social raportoi për herë të parë pas kaq shumë vitesh një rënie të fitimeve për 3 mujorin e dytë, një rënie me 1% në $28.8 miliardë, dhe parashikuan se kjo rënie në 3 mujorin e tretë të zgjerohet akoma dhe më tepër. Përfitimet e përgjithshme të kompanisë mëmë Meta ranë me 36% në 6.7 miliardë.
Nga ana tjetër divizioni Reality Labs që po krijon metaverse humbi rreth $2.8 miliardë gjatë kësaj periudhe. Dhe pse kjo rënie e fitimeve ishte parashikuar nga Wall Street, kjo gjë tregon se si biznesi i Meta ka ndryshuar në të gjitha frontet.
Shërbimi “Ask app not to track” i Apple ka bërë që reklamat e Facebook të jenë shumë herë më pak efektive, duke i kushtuar Meta rreth $10 miliardë fitime në reklama vetëm gjatë vitit të fundit. Gjithashtu dhe situate ekonomike e vitit të fundit ka zbrapsur reklamuesit.
Mirëpo dhe pse fitimet e Meta po bien, numri i përdoruesve të regjistruar në Facebook pësoi një rritje me 3% në 1.97 miliardë. Numri i përdoruesve në të gjitha rrjetet sociale nën pronësinë e Meta tashmë ka shkuar në 2.88 miliardë, duke përfshirë këty Facebook, Messenger, Instagram dhe WhatsApp.
