Debati “qentë kundër maceve” ka nisur prej shumë kohësh më parë, mirëpo shkenca mund t’i ketë dhënë njerëzve një arsye më tepër për të adoptuar një qen në vend të maceve.
Një studim i ri ka zbuluar se mbajtja e një maceje si një kafshë shtëpiake mund të rrisë rrezikun e shfaqjes së depresionit tek gratë shtatzëna pas lindjes. Megjithatë, u zbulua se mbajtja e qenve mund ta reduktojë këtë risk, së bashku me probleme të tjera të shëndetit mendor si ankthi apo stresi psikologjik pas lindjes së fëmijës.
Gjithashtu të paturit një mace si një kafsshë shtëpiake rrit rrezikun për infektimin me parazitin toxoplasmosis tek femrat shtatzënë, e cila mund të shkaktojë një sëmundje infeksioze dhe të çojë në anomali të të porsalindurit deri në abort spontan.
“Zbulimet tona sugjerojnë se duhet t’i kushtojmë më tepër kujdes pronarëve të maceve, të cilët kanë një risk më të lartë të zhvillimit të sëmundjeve mendore dhe infektimit me toxoplasmosis.” tha autori i studimit Kenta Matsumura.
Në studim morën pjesë 80,814 nëna në zonat urbane dhe rurale të Japonisë, të cilat mbanin si kafshë shtëpiake qen ose mace gjatë shtatzanisë tyre. Zbulimet e publikuara në Social Science & Medicine, zbuluan se mbajtja e një qeni si kafshë shtëpiake gjatë shatzanisë ulte simptomat e depresionit dhe ankthin 1-6 muaj pas lindjes.
