Një pacient 48 vjeçar në New York City, i cili e ka të pamundur të lëvizë dhe të flasë për shkak të sklerozës amiotrofike laterale, është pacienti i parë tek i cili ka arritur të implantohet një çip që do ta lejojë atë të komunikojë telepatikisht në SHBA.
Kjo është një arritje shumë e madhe për Synchron, një startup i cili mundi Neuralink të Elon Musk me zhvillimet e saja më të reja. Kjo proçedurë u zhvillua në datën 6 korrik, ku një brain computer interface (BCI) 1.5” i gjatë u implantua në trurin e pacientit pa patur nevojën për të prerë kafkën apo dëmtuar indin.
“Implanti i parë në njerëz i një BCI endovaskular në SHBA është një arritje e madhe klinike që hap mundësitë për pacientët me paralizë.” tha Dr. Tom Oxley, CEO dhe themelues i Synchron.
“Teknologjia jonë është krijuar për miliona njerëz që kanë humbur aftësitë e përdorimit të duarve për të kontrorlluar pajisjet dixhitale. Ne jemi tepër të emocionuar të sjellim një zgjidhje BCI në treg që ka potencialin për të transformuar kaq shumë jetë të ndryshme.” shtoi ai.
Synchron kishte raportuar se teknologjia ishte e sigurt pasi e kishte eksperimentuar atë në 4 pacientë në Australi. Pacientët australianë nuk kanë patur asnjë efekt anësor dhe kanë qenë në gjendje të bëjnë blerje online apo të dërgojnë mesazhe në WhatsApp.
