Analistë të ndryshëm tregojnë se Netflix mund të përgatitet për shitje të plotë drejt Microsoft. Netflix është përballur me disa sfida financiare gjatë kohëve të fundit, pasi kompania lajmëroi se numri i personave të abonuar ka rënë për herë të parë që nga viti 2011.
Netfilx konfirmoi gjithashtu se pritet që 2 milionë të abonuar të tjerë të largohen nga platforma gjatë muajve në vijim dhe sigurisht ky lajm frikësoi aksionerët. Për këtë arsye është tepër e besueshme idea e shitjes së kompanisë drejt Microsoft.
Më herët gjatë kësaj jave, u lajmërua se Microsoft do të mbështesë kategorinë e re të abonimit të Netfix me reklama, duke ofruar teknologjinë për reklamimin e objekteve të ndryshme. Kjo gjë do të lejojë Netflix të ofrojë një abonim në kosto më të ulët, duke rritur interesin e abonuesve në përgjithësi.
Laura Martin, analistja e lartë në Needham tergoi për Yahoo se këtu mund të kemi të bëjmë me një marrëveshje që ka ambicie më të larta. Netflix do të pozicionojë veten e saj në një marrëdhënie miqësore me Microsoft dhe më pas do t’i ofrojë kompanisë blerjen. Microsoft është ndër kompanitë e vetme që mund të plotësojnë blerjen prej $100 miliardë.
Nuk ka ende asnjë deklaratë zyrtare që mund të tregojë saktësisht se cilat janë planet e kompanive, megjithatë na mbetet të presim dhe të shikojmë zhvillimet më të fundit.
