Një video e publikuar ditën e djeshme nga Hyundai, kishte si qëllim të zbulonte pamjet e reja të makinës elektrike Ioniq 6 nga kompania, me një bateri prej 77.4 kWh dhe një autonomi prej 600km. Mirëpo theksi i prezantimit u vendos më tepër në metaverse, NFTs për ta bërë makinën të duket sa më tërheqëse për të rinjtë.
Në video, tregohet fillimisht një arstiste me emrin Mia e cila po mundohet të organizojë një trashion show (arti i ripërdorimit të mbetjeve dhe materialeve të riciklueshme në modë). Dhe pse ideja mund të duket e mirë, ka disa probleme kryesore me të, si përshembull si është e mundur që Mia të përballojë blerjen e kësaj makine elektrike, ndërkohë që studentët janë të mbushur me borxhe të marra për të mundësuar shkollimin e tyre.
Mia udhëton me Ioniq 6 të saj për të gjetur për kapakë shishesh, të cilët do të ripërdoren për të krijuar një fustan. Për fat të keq zbulohet se Mia nuk ka shumë kohë të merret me pasionin e saj për shkak të punës, dhe i duhet të flejë në makinën e saj.
Më pas prodhuesi i makinave shpjegon këtu avantazhet e makinës , si për shembull sediljet relaksuese dhe ndriçimi i brendshëm i sinkronizuar.
Në mënyrë jot ë drejtpërdrejtë, Hyundai duket kështu se ka parashikuar një të ardhme tepër të keqe, pasi të rinjve të sotëm sipas tyre do t’iu duhet të flenë në makina për të përmbushur ëndrrat e tyre. Gjithsesi ju ftojmë të ndiqni spotin e publikuar.
