Adobe duket se ka në plan të zgjerojë bazën e saj të përdoruesve përmes një strategjie të re. Kompania ka nisur testimin e një versioni falas të Photoshop në web, e cila aktualisht është e disponueshme vetëm në Kanada për momentin.
Përdoruesit nga Kanadaja mund të aksesojnë Photoshop falas në web përmes një adrese falas Adobe. Kompania e përshkruan shërbimin si “freemium”, dhe me kalimin e kohës planifikon të lëjë jasht disa shërbime që do të jenë ekskluzive për personat e abonuar në planin premium.
Megjithatë pjesa kryesore e shërbimeve do të jenë të disponueshme në versionin falas të aplikacionit, ku përdoruesit mund të kryejnë disa editime “bazë”.
“Ne dëshirojmë ta bëjmë Photoshop më të aksesueshëm dhe më të thjeshtë që më tepër njerëz të provojnë këtë produkt” thotë Maria Yap, zëvëndës presidentja e Adobe në digital imaging. Për herë të parë versioni në web i Photoshop u publikua në tetor të këtij viti, duke ofruar një version të thjeshtë të aplikacionit që ofronte shërbimet bazë si layers dhe core editing tools.
Në këtë mënyrë Photoshop jo vetëm që do ta bëjë aplikacionin më të aksesueshëm nga përdoruesit, por ka si qëllim të tërheqë akoma më tepër përdorues të abonohen në planet premium të kompanisë.
