Google ka pranuar të paguajë $118 milionë për t’i dhënë fund një padie që pretendon se kompania ka paguajtur më pak punonjëset femra. Kjo marrëveshje do të lirojë Google nga akuzat se “ka paguar femrat në pozicionet e mbuluara më pak se meshkujt për kryerjen e punëve të ngjashme, ka përcaktuar femrat në nivele më të ulëta se meshujt, dhe se Google nuk ka arritur të paguajë të gjitha rrogat deri në largimin nga puna”, siç lexohet në marrëveshje.
Në këtë marrëveshje përfshihen rreth 15,500 femra të cilat kanë punuar për Google në Kaliforni që nga viti 2013. 4 paditësit kryesor do të marrin pagesa të ndara: $75,000 për paditësen kryesore Kelly Ellis dhe $50,000 për 3 paditësit e tjerë, së bashku me pjesën e përcaktuar nga fondi i marrëveshjes.
Ellis ishte një inxhiniere software-i në zyrën Mountain View të Google për rreth 4 vite dhe u largua me titullin e menaxheres së lartë. Nga ana tjetër paditësja Holly Pease punoi në Google për 10,5 vite në pozicione të ndryshme.
Në deklaratën e saj ajo tregoi: “Si një grua që ka kaluar karrierën e saj në industrinë e teknologjisë, jam optimiste se veprimet që Google ka rënë dakord t’i ndërmarrë si pjesë e kësaj marrëveshje do të sigurojnë më tepër barazi gjinore për femrat.”
