Që nga fillimi i këtij viti, Instagram ka punuar për të ofruar një shërbim të ri, i cili do të mundësojë përzgjedhjen e 3 postimeve apo reels që do të qëndrojnë në krye të profilit të përdoruesve.
Për herë të parë ky shërbim u zbulua nga Alessandro Paluzzi në janar, dhe Instagram prezantoi zyrtarisht nisjen e testimeve në prill të këtij viti.
Opsioni “Pin to your profile”, në mënyrë të ngjashme me Twitter dhe TikTok, do të mundësojë rradhitjen e postimeve të përzgjedhura në krye të listës së postimeve tuaja, dhe pse ato mund të jenë publikuar para shumë kohësh.
You can now choose up to three posts or Reels to pin to the top of your profile. pic.twitter.com/9waQkueckG
— Instagram (@instagram) June 7, 2022
Për të përdorur këtë shërbim, si fillim duhet të klikoni mbi foton që dëshironi të përzgjidhni. Klikoni në 3 pikat në cepin e djathtë të postimit, dhe më pas gjeni opsionin Pin to your profile. Kur ju të riktheheni në profilin tuaj do të shikoni që fotoja e përzgjedhur do të jetë e para në renditje dhe do të shoqërohet nga një ikonë e bardhë, që tregon se kjo foto është bërë pin.
Nëse ju dëshironi të shtoni një tjetër postim apo reel në krye të renditjes, mjafton të ndiqni të njejtat hapa.
Ky shërbim mund të jetë tepër i rëndësishëm për krijuesit e Instagram, pasi ato mund të sigurojnë rritjen e shikueshmërisë në postime të caktuara.
