Në linjën Titan, MSI prezantonte laptopët me performancën më të lartë që kishte krijuar, të cilët rivalizoheshin vetëm nga pajisjet desktop si Area-51m e Alienware për sa i përket fuqisë dhe performancës.
Ditën e djeshme, gjatë konferencës për shtyp MSIology, kompania lajmëroi se linja Titan do të rifreskohet me një pajisje të re pas shumë kohësh. Titan GT77 do të jetë laptopi më i fuqishëm gaming që ju do të mund të blini gjatë këtij viti, i cili përfshin një Intel Core i9-12900HX dhe kartën grafike Nvidia GeForce RTX 3080 Ti. Kjo pajisje do të arrijë një fuqi të kombinuar prej 250W në CPU dhe GPU duke përdorur teknologjinë OverBoost të MSI.
Në këtë mënyrë mendohet se për të karikuar pajisjen do të nevojiten të paktën 2 adaptorë, ose një adaptop i vetëm me fuqi 330W (që pritet të peshojë 3KG!). Laptopi do të ofrojë deri në 4 vende për karta 128GB DDR5-4800 RAM.
Gjithashtu në mënyrë të ngjashme me të gjithë laptopët e tjerë, Titan GT77 do të ketë një tastierë mekanike me ndriçim RGB dhe taste Cherry MX Ultra Low.
Disa pajisje të tjera që MSI prezantoi janë dhe Raider GE77 HX dhe GE67 HX. Përveç proçesorit Intel 12900HX dhe GPU RTX 3080Ti, këto laptopë do të përdorin dhe një ekran 240Hz QHD OLED, me kohë përgjigje vetëm 0,2 milisekonda.
Këto laptopë nuk do të vijnë me një çmim të lirë, sigurisht. Çmimi për Titan GT77 do të nisë nga $3,199 për modelin bazë, ndërkohë që modeli më i mirë me Core i9-12900HX / RTX 3080 Ti do të shitet për $4,949.
Raider GE77HX fillon nga $2,599, ndërsa GE67 do të fillojë nga $2,499.
