Që nga viti 2020 WhatsApp i ka mundësuar të gjithë përdoruesve të bëjnë biseda të përkoshme, të cilat fshihen automatikisht pas 7 ditësh. Mirëpo në bazë të raportimeve të reja nga WABetaInfo, WhatsApp po eksperimenton me një shërbim që do të mundësojë ruajtjen e disa mesazheve nga këto biseda që zhduken.
Përdoruesve do t’iu ofrohet një opsion për të ruajtur disa mesazhe të caktuara ndërkohë që përdorni modalitetin “disappearing messages”. Ky opsion mund të jetë i rëndësishëm në rastet kur dikush ju dërgon një informacion të rëndësishëm, si përshembull një adresë që ju mund ta përdorni dhe më vonë ose një mesazh sentimental që ju dëshironi t’i shpëtojë fshirjes automatike nga chat-i.
Screenshot-i i bashkëngjitur në raportimin e mësipërm tregon një seksion në Contact Info që lexon “Kept Messages”. Ky mendohet se do të jetë vendi ku ju do të mund të rishikoni mesazhet e ruajtura. Ky screenshot është marrë nga WhatsApp Web, por WABetaInfo tregon se ky shërbim do të vijë së shpejti dhe në aplikacionet për Android dhe iOS.
Megjithatë nuk është ende e ditur se kur ky shërbim do të debutojë zyrtarisht në WhatsApp.
