Samsung Galaxy Z Flip 3 5G ishte një pajisje mjaft e rëndësishme për Samsung, pasi përveç dizajnit të palosshëm, kompania arriti të përfshinte specifika flagship me një çmim mjaft të përshtatshëm. Së shpejti ne po presim të njihemi me pasardhësin e tij, i cili mund të ketë disa ndryshime mjaft interesante për sa i përket ekranit të jashtëm.
Sipas Ross Young, një leaker mjaft i njohur në industrinë e ekraneve, Samsung Galaxy Z Flip 4 do të vijë me një ekran të jashtëm më të madh. Dhe pse ekrani 1.9 inç në Z Flip 3 5G ishte një përmirësim i ndjeshëm ndaj versionit origjinal, ka akoma shumë hapësirë për përmirësim.
Z Flip 4 will have a larger cover display than the z Flip 3. Begins with a 2 rather than 1.9″…
— Ross Young (@DSCCRoss) May 2, 2022
Nëse raportimet e Young janë korrekte, Galaxy Z Flip 4 mund të vijë me një ekran të jashtëm më të madh se 2”. Për fat të keq ai nuk arrin të specifikojë se sa i madhi do të jetë ekzaktësisht ky ekran.
Deri më tani kanë qarkulluar shumë pak informacione rreth kësaj pajisjeje, dhe duket se Samsung po arrin ta fshehë mjaft mirë Z Flip 4. Besohet se në gjeneratën e re mund të përfshihet një bateri më e madhe, dhe skanuesi i shenjës së gishtit pritet të ofrohet po në anësi të pajisjes.
Data e prezatnimit pritet të jetë gjatë 3 mujorit të tretë të 2022, prandaj ka ende kohë për të mësuar më tepër informacione.
