Bazuar në një studim të ri, shkencëtarët kanë arritur të zbulojnë një lidhje midis Alzhaimerit dhe smartphone-ve që përdorim çdo ditë.
Është e pranuar gjerësisht se Alzhaimer është shkaktuar nga grumbullimi i madh i kalçiumit në tru. Mirëpo tashmë është zbuluar se fushat elektromagnetike të gjeneruara nga smartphone-t mund të shkaktojnë një përkeqësim të këtij grumbullimi, dhe testimet e para të kryera tek kafshët mbështesin këtë teori.
“Shumë njerëz të rinj të cilët janë të ekspozuar ndaj smartphone-it apo rrezatimit të Wi-Fi për shumë orë në ditë mund të zhvillojnë demencën dixhitale.” tha Martin Pall, autor i këtij studimi.
Sipas Alzheimer’s Association më tepër se 6.5 milionë amerikanë nga mosha 65 vjeç e më të vjetër po jetojnë me Alzhaimer. Deri në vitin 2050 pritet që numri i personave nga moshat 65 vjeç e më tepër të jetë pothuajse 13 milionë. Ajo që është më shqetësuese është mortaliteti i kësaj sëmundjeje: 1 në 3 persona vdesin nga ky problem ose lloje të tjera demencash.
Kjo nuk është hera e parë që fusha elektromagnetike tregon lidhje me problemet shëndetësore. Ndërkohë që National Cancer Institute tregon se nuk ka asnjë lidhje midis fushës elektromagnetike dhe kancerit, Healthline tregon se nga kjo fushë vijnë probleme më të shpeshta si irritabiliteti, dhimbjet e kokës apo insomnia.
