Më herët gjatë këtij muaji ne mësuam se Niantic po punonte për të krijuar një lojë me augmented reality ku ju do të ishit në gjendje të rrisni disa krijesa mjaft të adhurueshme. Zhvilluesi i kësaj loje, i cili më parë ka krijuar dhe Pokemon Go, ka deklaruar se loja Peridot do të jetë shumë e ngjashme me këtë lojë.
Megjithatë nëse ju jeni të interesuar të shikoni se si do të jetë gameplay i kësaj loje, ju ftojmë të ndiqni videon e mëposhtme të publikuar në YouTube. Eurogamer ka arritur të përfitojë nga një lançim më i shpejtë i lojës në Malajzi për të shuar kureshtjen e fansave përmes kësaj videoje mbi 10 minuta.
Në fillim të kësaj loje ju do të përfitoni një vezë nga ku do të dalë një krijesë për të cilën ju duhet të kujdeseni. Ju do t’i vendosni një emër kësaj krijese dhe do të duhet të përkujdeseni për të. Më pas kur të kaloni në hartën reale si një Pokemon Go, ju do të duhet të gjeni habitate të ndryshme.
Sigurisht, rritja e dhe mbledhja e Peridots është fokusi i lojës, dhe Niantic ofron një in-game store ku ju mund të bleni të gjitha pajisjet e nevojshme për të rritur këto krijesa duke përdorur monedhat e lojës.
Nuk është ende e ditur se kur loja do të prezantohet në tregun ndërkombëtar, por besohet se data e prezantimit është shumë pranë.
