Prej shumë vitesh përdoruesit e Twitter kanë kërkuar nga kompania që të bëjnë të mundur editimin e tweet-eve të tyre, dhe duket se platforma është më në fund dakord për ofrimin e këtij shërbimi. Muajin e kaluar platforma konfirmoi se kishte nisur punën për ofrimin e opsionit edit, që do të ofrohet për personat e abonuar në Twitter Blue.
Twitter vetë nuk ka treguar shumë rreth mënyrës se si ky shërbim do të funksionojë, mirëpo kjo gjë bëhet e ditur përmes një leak-u nga Alessandro Paluzzi. Ai arriti të përdorte butonin edit dhe shpërndau disa screenshots duke treguar se si shërbimi do të funksionojë.
— Alessandro Paluzzi (@alex193a) April 15, 2022
Tashmë përdoruesit e Twitter do të mund të aksesojnë butonin “Edit Tweet” nga menuja 3 pikëshe që gjendet anash tweet-it që ju keni publikuar. Pasi të keni klikuar mbi të, do të shfaqet tweet-i juaj aktual. Mjafton të bëni ndryshimet që dëshironi dhe të klikoni në Update për të reflektuar ndryshimet e bëra.
I recorded a GIF from the upcoming #Twitter‘s Edit Button! pic.twitter.com/FPIRzzjUAF
— Nima Owji (@nima_owji) April 16, 2022
Gjithashtu dhe zhvilluesi Nima Owji ka zbuluar disa detaje mbi këtë shërbim, duke publikuar një GIF që tregon të gjitha hapat e editmit të një tweet-i. Megjithatë është ende e paqartë nëse Twitter do të lejojë përdoruesit të korrigjojnë një pjesë të vogël të postimit të tyre dhe se sa herë do të jetë i mundur editimi i një tweet-i.
