Apple ka nisur të testojë disa variante të ndryshme të proçesorit të gjeneratës së ardhshme M2 të cilët do të përfshihen në Mac-ët e rinj, sipas raportimit nga Bloomberg. Mësohet se janë të paktën 9 Macs të ndryshëm në zhvillim e sipër që përdorin 4 proçesorë të ndryshëm M2.
Këto 4 proçesorë janë: M2 standard, M2 Pro, M2 Max dhe një pasardhës i M1 Ultra të cilët testohen në pajisjet e mëposhtme.
- Një Macbook Air me proçesor M2, 8-core CPU dhe 10-core GPU
- Një Mac mini me proçesor M2 dhe një variant me M2 Pro
- Një MacBook Pro 13” me proçesor M2
- MacBook Pro 14” dhe 16” me proçesorë M2 Pro dhe M2 Max, së bashku me 64GB RAM
- Një Mac Pro që do të pajisjet me pasardhësin e M1 Ultra të përdorur në Mac Sudio
Sipas Bloomberg ky testim do të jetë një hap kryesor në proçesin e zhvillimit të këtyre pajisjeve dhe tregon se lançimi i tyre mund të bëhet në muajt në vijim. Deri më tani ne kemi dëgjuar raportime të ndryshme rreth një MacBook Air të ri, një MacBook Pro 13” të rifrskuar, Mac Pro dhe Mac Mini të rinj, por kjo është hera e parë që përmenden dhe modelet 14” dhe 16” të MacBook Pro.
Me shumë mundësi ne do të shikojmë disa prej këtyre pajisjeve në WWDC 2022.
