Prej shumë kohësh kjo gjë ka qenë një ëndërr për femrat (dhe për meshkujt). Tashmë shkencëtarët kanë arritur të gjejnë një mënyrë për të penguar proçesin e plakjes në lëkurën e njerëzve.
Studiuesit nga Cambridge zbulojnë se kanë riprogramuar qelizat e lëkurës të njerëzve nga mosha 38-53 vjeç për t’i bërë ata të duken 30 vite më të rinj. Kjo metodë konsiston në pengimin e proçesit të plakjes pa dëmtuar qelizën. Studiuesit treguan gjithashtu se ato ishin në gjendje të rikthenin disa funksione që kishin humbur në qelizat e vjetra.
Ky studim është ende në faza fillestare dhe zbulimet mund të revolucionarizojnë mjekësinë rigjenerative, sidomos nëse ajo mund të përdoret dhe në tipe të tjera qelizash apo indesh të trupit.
Proçesi i plakjes në lëkurën e njerëzve fillon në momentin kur numri i qelizave të quajtura fibroblaste ulet me kalimin e moshës. Fibroblastet prodhojnë kolagjenin i cili ndihmon në ruajtjen e strukturës së lëkurës, dhe kur prodhimi i kolagjenit ulet, fillon dhe “plakja” e lëkurës.
Studimi u krye në Babraham Institute në Cambridge dhe u publikua në revistën eLife. “Rezultatet tona janë tepër të rëndësishme në kuptimin e riprogramimit qelizor.” tha Dr Diljeet Gill. “Fakti se ne zbuluam dhe një pengim të indikatorëve të plakjes në gjene të shoqëruara me sëmundje është tepër premtues për të ardhmen e kësaj pune.”
