Food and Drug Administration në SHBA ka autorizuar ditën e enjte testimin e parë për COVID-19 që përdor një mostër fryme. Testimi InspectIR COVID-19 Breathalyzer duhet të bëhet nga një operator i trajnuar, por FDA tregoi se ky testim gjeneron një rezultat në vetëm 3 minuta.
Testimi zbulon praninë e kimikateve të lidhura me virusin që shkakton sëmundjen përmes një mostre të frymës. Nëse nga ky testim personat rezultojnë pozitivë, atëherë ato duhet të kryejnë dhe një test molekular sipas deklaratës së publikuar nga agjencia.
“Autorizimi i sotshëm është një tjetër shembull i inovacionit të shpejtë në fushën e diagnostikimit të COVID-19.” tha Dr. Jeff Shuren. Kjo pajisje ka përmasa të ngjashme me një valixhe dore.
Aktualisht, testi PCR konsiderohet më i sakti, por ekzistojnë gjithashtu dhe rapid tests që mund të kryhen dhe në shtëpi. Për fat të mirë gjatë muajve të fundit situata e COVID-19 në Shqipëri dhe vendet e tjera të botës është përmirësuar ndjeshëm, ku ka një numër shumë të ulët personash të infektuar dhe numër akoma më të ulët personash që kanë nevojë për asistencë mjekësore.
