Zhvilluesi i Fortnite, Epic Games ka lajmëruar se do të bashkëpunojë me Lego për të krijuar një vend të sigurt ku fëmijët mund të luajnë dhe të krijojnë gjëra të reja në “Metaverse”.
Ky partneritet planifikon “të strukturojë të ardhmen e metaverse dhe ta bëjë atë të sigurt dhe argëtues për fëmijët dhe familjet”. Sipas një deklarate të publikuar në website-in e Epic Games tregohet se “dy kompanitë do të bashohen për të krijuar një eksperiencë dixhitale tërheqëse, kreative dhe inspiruese ku fëmijët e të gjitha moshave do të kënaqen së bashku”.
We’re teaming up with @LEGO_Group to build a fun place for kids to play in the metaverse!
Learn more here: https://t.co/rtrckV9UJm pic.twitter.com/rsDDjgXEq7
— Epic Games Newsroom (@EpicNewsroom) April 7, 2022
Dhe pse nuk është ende e qartë se si do të krijohet kjo hapësirë miqësore për familjen, partneriteti midis Lego dhe Epic Games duket mjaft interesant.
CEO i Epic, Tim Sweeney tha: “Lego Group ka tërhequr imagjinatën e fëmijëve dhe të rriturve përmes lojërave kreative për pothuajse një shekull, dhe ne jemi tepër të emocionuar që së bashku të krijojmë një hapësirë në metaverse që do të jetë argëtuese dhe e krijuar kryesisht për fëmijët dhe familjet.”
Tashmë ne do të na duhet të presim që të shikojmë se çfarë, Lego, Epic dhe pjesa tjetër e Metaverse do të ofrojë për përdoruesit në të ardhmen.
