Me sa duket TikTok ka nisur testimin për një shërbim të ri të quajtur “Watch History”, i cili do t’ju shpëtojë nga mundimi për të rigjetur një video që keni parë por që nuk e keni ruajtur për një periudhë kohore prej 7 ditësh. Të gjitha videot do të renditen në një listë në mënyrë që të lokalizoni lehtësisht videon që po kërkoni.
Konsultuesi i rrjeteve sociale Matt Navarra ripostoi zbulimet e bëra nga një përdorues në Twitter i quajtur Hammod Oh, i cili publikon shpesh në profilin e tij shërbimet që pritet të vijnë në të ardhmen në rrjete të ndryshme sociale. Sipas screenshot-it të Oh tregohet se opsioni “Watch History” do të vendoset nën “Content and Activity” në settings.
NEW! TikTok Watch History https://t.co/vxXy9L0VJb
— Matt Navarra (@MattNavarra) March 26, 2022
Nuk ka ende shumë detaje në lidhje me mënyrën se si kjo faqje do të duket apo se si do të rendisë videot që keni ndjekur disa orë më parë.
Mungesa e Watch History deri më tani ka detyruar përdoruesit të përdorin metoda të ndryshme për të rigjetur videot, mirëpo asnjëra prej tyre nuk është kaq e thjeshtë sa shërbimi i ri. Ata mundoheshin të filtronin rezultatet e kërkimit vetëm për videot që kanë parë, ose të shkarkonin të gjitha të dhënat e tyre në TikTok për të gjetur një video të vetme.
