Me ndihmën e buxhetit prej $50 milionë, ekipi i shkencëtarëve do të bëjnë të mundur krijimin e trenit të parë që fuqizohet nga forca e gravitetit, i cili pritet të fillojë nga puna gjatë dekadës së ardhshme.
Bateritë elektrike që do të përdoren nga ku tren nuk do të kenë nevojë që të shpenzojnë kohë të karikohen duke ndaluar në një vend të caktuar, pasi do të shfrytëzojë energjinë gravitacionale në seksionet e pjerrëta të hekurudhës.
Fërkimi nga frenimi për të ndaluar shpejtësinë e trenit do të rigjenerojë elektricitet i cili do të shfrytëzohet gjatë gjithë kohës nga ky tren. Kompania australiane Fortescue Future, që po merret me zhvillimin e këtij projekti, tha se kjo gjë do të eleminojë nevojën për praninë e trenëve që fuqizohen nga lëndët djegëse.
“Infinity Train do t’i bashkohet flotës së gjelbër të Fortescue dhe do të kontribuojë në rritjen e mëtejshme të vlerës së kompanisë. Duhet që ne të bindim drejtuesit politikë në të gjithë botën se kemi shumë alternative të tjera energjie, si përshembull energjia gravitacionale, e cila është më efiçiente, me kosto më të ulëta dhe miqësore me ambientin.” tha themeluesi i kompanisë Andrew Forrest.
Fortescue tha se operacionet e tyre hekurudhore përfshijnë 54 lokomotiva që tërheqin 16 sete treni, së bashku me pajisje të tjera të lëvizshme. Secili tren do të jetë 2,8 km i gjatë dhe do të ketë kapacitetin për të tërhequr 34,404 tonë materiale.
