Multi-miliarderi Elon Musk i ka “hedhur benzinë zjarrit” përmes tweet-it të tij të fundit në lidhje me krijuesin e Bitcoin, Satoshi Nakamoto.
Ai shpërndau në rrjetin social një fotografi që përmbante emrat e kompanive si Samsung, Toshiba, Nakamichi dhe Motorola të renditura njëri pas tjetrit, ku ishin qarkuar disa nga shkronjat e para të tyre që krijonin një kombinim të emrit Satoshi Nakamoto.
— Elon Musk (@elonmusk) March 9, 2022
Disa njerëz të ndryshëm kanë pretenduar se janë “Satoshi Nakamoto”, koduesi dhe zhvilluesi i famshëm japonez, mirëpo identiteti i tij nuk është konfirmuar asnjëherë. Nakamoto nisi të shkruante kodin e Bitcoin në 2007 dhe ishte ende aktiv në zhvillimin deri në 2011. Spekulimet tregojnë se pavarësisht pseudonimit, Nakamoto mund të mos jetë nga Japoni, madje pas tij mund të fshihet një grup i tërë dhe jo vetëm një person.
Fansat e Elon Musk në Twitter u kënaqën jashtëzakonisht duke komentuar teoritë e tyre konspirative nën postimin e Elon. Madje disa prej tyre bënë një shaka duke thënë se “Elon është Satoshi”.
Elon is Satoshi ?
— The Moon (@TheMoonCarl) March 9, 2022
Në disa ndërveprime vihet re se e folura e Nakamotos në gjuhën anglisht është tepër normale, dhe kjo gjë ka ngritur spekulimet se ai mund të mos jetë nga Japonia. Për momentin ai zotëron 750,000 – 1,100,000 bitcoin, duke qenë kështu një ndër njerëzit më të pasur në botë.
