Seria e smartphone-ve Xiaomi 12 është prezantuar që në dhjetor të vitit të kaluar në Kinë, mirëpo këto produkte nuk kanë ardhur në tregun botëror ende. Më në fund kompania ka vendosur të bëjë dhe lançimin në tregun botëror gjatë javës së ardhshme.
Kjo gjë u bë e ditur përmes një postimi në Twitter, ku tregohej për mbajtjen e një eventi në datën 15 mars specifikisht për lançimin global të serisë Xiaomi 12.
Në lançimin e mëhershëm në Kinë, Xiaomi prezantoi 3 smartphone të rinj në serinë 12: Xiaomi 12, Xiaomi 12X dhe Xiaomi 12 Pro. Megjithatë ne nuk jemi të sigurtë nëse të 3 këto versione do të lançohen në tregun global.
Modeli bazë ofron një dizajn kompakt me proçesorin më të ri nga Snapdragon, 8 Gen 1, së bashku me një bateri me kapacitet 4,500mAh dhe karikim të shpejtë 67W. Nga ana tjetër Xiaomi 12 është një smartphone me çmim më të përballueshëm që fuqizohet nga proçesori Sapdragon 870.
Xiaomi 12 Pro është smartphone-i më premium I kësaj serie që vjen me një ekran QHD+, karikim super të shpejtë 120W dhe tre kamera 50MP në pjesën e pasme.
Gjatë muajit mars të vitit të kaluar, Xiaomi prezantoi dhe smartphone-in Mi 11 Ultra, kështu që do të qëndrojmë në pritje të versionit pasardhës të tij.
