January 29, 2022

Xiaomi prezanton serinë e re të smartphone-ve Xiaomi 12

Xiaomi prezanton serinë e re të smartphone-ve Xiaomi 12

Pas disa muajsh të mbushur me leaks dhe raportime të ndryshme, seria e Xiaomi 12 është publikuar dhe përbëhet nga 3 pajisje: Xiaomi 12, 12 Pro dhe 12X. Dy pajisjet e para vijnë me proçesorin më të ri nga Qualcomm, Snapdragon 8 Gen 1, ndërkohë që Xiaomi 12X vjen me Snapdragon 870.

Xiaomi 12

gsmarena_002_copy.jpg

Xiaomi 12 është smartphone-i më kompakt i kësaj serie, me një ekran 6.28 inç AMOLED me refresh rate 120Hz të prodhuar nga Samsung. Nën këtë ekran gjendet dhe skanuesi i shenjës së gishtit.

Për sa i përket kamerave, Xiaomi 12 ka të integruar sensorin 50MP të Sony IMX 766 që gjendet gjithashtu në shumë nga flagship-et e vitit 2021. Ishulli i kamerave plotësohet dhe nga dy kamerat e tjera, një ultrawide 13MP dhe një tele-macro 5MP.

gsmarena_007.jpg

Versioni më i vogël në këtë seri ka një bateri me kapacitet 4,500mAh e cila mund të karikohet me karikuese të shpejtë 67W. Xiaomi 12 do të vijë në ngjyrat: Black, Blue, Pink me çmimin që fillon nga $580 për modelin bazë.

Xiaomi 12 Pro

gsmarena_019.jpg

Xiaomi 12 Pro ka një ekran me madhësi 6.73 inç, dhe ndryshe nga Xiaomi 12, ka një kualitet 1440p dhe përdor teknologjinë LTPO 2.0 për ndërrimin e refresh rate nga 1-120Hz në bazë të përmbajtjes që ju shihni.

 Ky model përmban në pjesën e pasme 3 kamera 50MP, ku ajo kryesore përdor sensorin Sony IMX 707. Sensori i dytë 50MP është telephoto, ndërkohë që i treti sjell pamjen ultrawide. Xiaomi do të përdorë një algoritëm të ri në këto smartphone për sa i përket night mode në kamera, duke lejuar futjen e më tepër drite në sensor.

gsmarena_012.jpg

Bateria me kapacitet 4,600mAh është ndarë në 2 qeliza, duke mundësuar kështu karikimin e shpejtë 120W me kabëll, dhe deri në 50W wireless. Çmimi për versionin bazë 8/128GB do të jetë $738, dhe porositë do të nisin nga data 31 dhjetor në Kinë. Çmimi për tregun ndërkombëtar do të prezantohet më vonë.

Xiaomi 12X

xiaomi_12x_1.png

Xiaomi 12X është një version më pak i aftë se Xiaomi 12. Ai përdor të njejtin ekran 6.28 inç dhe të njejtin kapacitet baterie të Xiaomi 12. Ndryshimi kryesor mes dy pajisjeve qëndron në proçesorin e përdorur. Versioni 12X përdor proçesorin Snapdragon 870 në vend të Snapdragon 8 Gen 1.

Xiaomi 12X vjen në të njejtat ngjyra si Xiaomi 12, dhe çmimi për versionin bazë fillon nga $502.

Wednesday, 29 December 2021 01:13 Last modified on Wednesday, 29 December 2021 01:39

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo
Kristian Hodo
Klementina Mema

 

 

Geek Room © 2019