Ditën e djeshme Samsung prezantoi 2 smartphone të rinj me çmim të përballueshëm, Galaxy A13 dhe A23. Të dy këto smartphone ofrojnë mbështetje për rrjetin 4G.
Samsung Galaxy A23
Galaxy A23 4G është disi ndryshe nga modeli A22. Ndryshimi i parë madhor qëndron në teknologjinë e ekranit të përdorur, pasi kjo pajisje vjen me një ekran 6.6 inç LCD me refresh rate 60 Hz. Bateria do të ketë kapacitet 5,000mAh dhe do të mund të karikohet shpejt me karikuesen 25W. Ndryshime të tjera ka dhe në seksionin e kamerave.
Kamera kryesore përdor tashmë një sensor 50MP, duke zëvëndësuar atë 48MP në modelin paraardhës. Ky sensor do të shoqërohet nga kamera ultrawide 5MP dhe 2 lente të tjera 2MP macro dhe depth. Kamera selfie do të vijë e përfshirë në notch-in teardrop dhe do të ketë rezolucion 8MP.
Ky smartphone do të vijë në disa konfigurime të ndryshme, me 4, 6 apo 8GB RAM dhe 64 ose 128GB internal storage, si dhe do të ketë të instaluar sistemin operativ One UI 4.1 të bazuar në Android 12.
Samsung Galaxy A13
Galaxy A13 vjen tashmë me një version 4G dhe është paksa i ngjashëm me Galaxy A23. Ai do të vijë me sistemin operativ One UI 4.1 si A23, do të përdorë proçesorin Exynos 850 dhe do të vijë në konfigurimet me 3, 4 apo 6GB RAM dhe 32, 64 dhe 128GB internal storage.
Ekrani i kësaj pajisje do të jetë 6.6 inç LCD me refresh rate 60Hz, ku në pjesën e sipërme gjendet kamera selfie 8MP. Në pjesën e pasme të pajisjes gjenden: kamera kryesore 50MP, ajo ultrawide 5MP dhe 2 lentet macro dhe depth. Bateria ka të njejtin kapacitet dhe mund të karikohet në të njejtën shpejtësi si në Galaxy A23.
Çmimi për versionin bazë të kësaj pajisje do të fillojë nga €190, ndërkohë që për Galaxy A23 nuk ka ende një çmim zyrtar.
