Windows 11 bëhet leak në internet

Versioni më i ri i sistemit operativ Windows, Windows 11 sapo është bërë leak online.

Fillimisht screenshots janë publikuar në site-n kinez Baidu, për t’u shpërndarë masivisht në çdo cep të internetit. Ndërfaqja e re e Windows 11 dhe menuja Start duken mjaft të ngjashme me atë çfarë gjendej në Windows 10X. Vizualisht, ndryshimet më të mëdha duken të jenë në taskbar. Ikonat janë të vendosura në qendër, bashkë me Start button. Nëse nuk ju pëlqen t’i mbani në qendër këto ikona mund t’i vendosni në skaj.

here’s a first look at Windows 11. There’s a new Start menu, rounded corners, a new startup sound, and more https://t.co/VDS08QPsl5 pic.twitter.com/OkCyX3TtmI

— Tom Warren (@tomwarren) June 15, 2021

Menuja Start e re është një version i thjeshtë i asaj që ndodhet në Windows 10, pa Live Tiles. Microsoft ka filluar gjithashtu të përdorë kënde më të rrumbullakosura në context menu, aplikacione dhe File Explorer në këtë version.

Dhe pse Windows anuloi sistemin operativ 10X, i cili ishte i dizenjuar për pajisjet me dy ekrane, shumë pjesë të saj kanë gjetur përdorim në Windows 11. Ju mund të riorganizoni shumë shpejt dritaret në cepa ose në gjysmën e ekranit sipas dëshirës tuaj.

Gjithçka për momentin duket të jetë në fazën fillestare, dhe ndoshta është kjo arsyeja që nuk po shohim shumë ndryshime krahasuar me versionin e mëparshëm. Për fat të keq nuk duket të ketë një update madhor për Windows Store, ose nuk është implemetuar ende.

Besohet se dita e prezantimit zyrtar të këtij OS do të jetë në eventin special që do të mbahet në 24 qershor.