Vaksinat aktuale që ne përdorim mund të parandalojnë sëmundje tepër të rrezikshme, mirëpo aftësia e tyre për të mbrojtur njerëzit plotësisht nga infeksionet është reduktuar. Shkencëtarët besojnë se kjo gjë vjen për shkak të vendit të administrimit të këtyre vaksinave, dhe duan që ta ndryshojnë këtë vend së shpejti.
Për të penguar tërësisht infektimin me COVID-19 të personave të tjerë, shkencëtarët mendojnë se hunda duhet të jetë vendi i ri i injektimit të vaksinave. Njerëzit mund të sprucojnë vaksinat e tyre nga shtëpia në hundë, duke e bërë shumë më të thjeshtë marrjen e këtyre vaksinave. Për momentin gjenden 8 vaksina të ndryshme në proçes testimi, dhe 3 të tilla janë në proçesin e testimit klinik, duke u testuar në grupe të mëdha njerëzish.
Aftësia më e rëndësishme e vaksinave që merret nga hunda është ajo e aktivizimit të imunitetit mukozal. Ky sistem mbështetet në qelizat e specializuara dhe antitrupat që gjenden brenda shtresës së pasur me mukus të hundës dhe rrugëve të tjera të frymëmarrjes. Këto element lëvizin shpejt dhe arrijnë të parët, duke bërë të mundur ndalimin e virusit.
“Nëse ne dëshirojmë të parandalojmë përhapjen e virusit, e vetmja mënyrë është nëpërmjet sprucimit nazal.” tha mjeku imunolog Akiko Iwasaki.
Ky mjek po drejton disa grupe të ndryshme në SHBA që po punojnë për zhvillimin e vaksinave nazale. Disa nga këto vaksina rrethojnë proteinat e koronavirusit nëpërmjet kapsulave që mund të fryhen në sinuse. Disa të tjera shtojnë gjenin që nxit shumimin e protienave jo të dëmshme të viruseve të zakonshme.
Megjithatë zhvillimi i një vaksine të tillë është shumë i vështirë pasi studiuesit dinë shumë pak rreth imunitetit mukozal.
